گنگا اور گنڈک ندی میں پر بھاری مقدار میں ملبہ بہتا دکھائی دیا، تیز دھار میں مشتبہ انسانی جسم جیسے مناظر نظر آئے

محمد آصف عطا

حاجی پور‌/ وِیشالی

ضلع کے حاجی پور - سونپور واقع گنڈک ندی اور مہنار کے گنگا گھاٹ سے جمعہ کے روز سامنے آنے والی ایک ویڈیو میں دریا کی تیز دھار کے ساتھ بھاری مقدار میں ملبہ بہتا ہوا دکھائی دے رہا ہے۔ درختوں، پودوں، لکڑیوں اور دیگر اشیاء کے درمیان کچھ ایسے مناظر بھی نظر آ رہے ہیں، جو پہلی نظر میں انسانی جسم جیسے محسوس ہوتے ہیں۔ نیپال اور شمالی بہار کے بالائی علاقوں میں سیلاب کے بعد ندیوں میں پانی کے بہاؤ میں اضافہ ہونے کے باعث بڑی مقدار میں ملبہ گنگا میں پہنچنے کا امکان ظاہر کیا جا رہا ہے۔ مقامی لوگوں کا کہنا ہے کہ گنڈک ندی میں پانی کے بڑھتے ہوئے بہاؤ کا اثر بھی گنگا میں نظر آ رہا ہے۔ گنگا کی تیز دھار میں بہتے ہوئے ملبے کا یہ منظر سیلاب کی شدت اور خوفناک صورتحال کو ظاہر کر رہا ہے۔ تاہم ویڈیو میں نظر آنے والی مشتبہ شکلیں واقعی انسانی لاشیں ہیں یا نہیں، اس کی ابھی تک کسی سرکاری ذرائع سے تصدیق نہیں ہوئی ہے۔ اس لیے اس معاملے میں کسی حتمی نتیجے پر پہنچنا قبل از وقت ہوگا۔ مقامی لوگوں نے انتظامیہ سے مطالبہ کیا ہے کہ گنگا میں بہہ رہے ملبے اور ویڈیو میں نظر آنے والے مشتبہ مناظر کی مناسب اور فوری جانچ کرائی جائے، تاکہ حقیقت سامنے آ سکے۔ واضح رہے کہ ویڈیو میں نظر آنے والی اشیاء کے انسانی جسم ہونے کی تاحال سرکاری تصدیق نہیں ہوئی ہے۔

ساتھ میں تصویر۔